ياجماعه إحنا بتوع سى اس

النهارده وانا قاعد فى الإمتحان الغريب ده , إفتكرت فيلم " إحنا بتوع الأتوبيس"

وبالذات لما كانوا بيقولوا " ياجماعه إحنا بتوع الاتوبيس"
كان نفسى النهارده بقى أقول
" ياجماعه إحنا بتوع سى إس"
مش عارف ايه اللى بيحصل الترم ده ف الإمتحانات , كل دكتور او دكتور يحب يغير ف الإمتحان يغير على دفعتنا إحنا وكمان امتحان النهارده كان غريب , مكانش فيه حاجه من اللى قعدنا نذاكرها ولا فيه حاجه من امتحان التخلفات اللى قعدنا نحفظ حله الا طبعا النقطتين اللى حليناهم . يلا بقى انا الوقتى معتش هاقول على ماده سهله , ماهو ممكن كمان الشبكات اللى كلنا مستنيين امتحانها الدكتور يجيبلنا امتحان زى اللى فاتوا دول. بس حد يقولى بقى هو احنا ليه ماامتحناش لحد الوقتى ماده وطلعنا قولنا انها كانت كويسه؟؟؟؟؟؟؟؟؟؟!!!!!!!!!!!!!!!!!!!!!!!

ده إحنا بتوع سى إس ( بتوع الأتوبيس )

ربنا يعدى السنه دى على خير